Ritið Galdramenn er komið út

Image
Galdramenn - Sorcerers
Frá upphafi vega hefur mannkynið beitt göldrum til að hafa áhrif á umhverfið og sig sjálft. Lengst af trúðu menn almennt á mátt galdra og hrifu þeir ekki síst vegna þess að á þá var trúað. Mannleg samfélög hafa því ávallt látið sig varða um galdra, en þó hefur afstaðan breyst í tímanna rás, ekki síst á miðöldum og fram eftir nýöld. Í þessu riti birtast tíu greinar sem byggjast á fyrirlestrum af ráðstefnunni "Galdur og samfélag á miðöldum" sem haldin var í Bjarnarfirði á Ströndum í september 2006. Greinarnar fjalla um samspil galdra og samfélags út frá ólíkum viðfangsefnum og eru dæmin ýmist frá Íslandi eða erlendis frá, úr sögulegum veruleika eða bókmenntum. Bókina er hægt að nálgast í sölubúð Strandagaldurs á vefnum með því að smella hér.  

Greinarhöfundar eru:

Ármann Jakobsson
Helga Kress
Magnús Rafnsson
Már Jónsson
Ólína Þorvarðardóttir
Rune Blix Hagen
Stephen A. Mitchell
Sverrir Jakobsson
Torfi H. Tulinius

Ritstjóri: Torfi H. Tulinius

Útgefandi: Hugvísindastofnun Háskóla Íslands

195 blaðsíður í kiljuformi.

ISBN: 978-9979-9877-1-0

Verð kr. 2.900.- með vsk.