Sunday, 12 July 2015 00:00
Written by siggi atla
Uppbyggingasjóður Vestfjarða ákvað nýverið að styðja við rekstur Galdrasýningar á Ströndum með myndarlegum rekstrarstyrk að upphæð kr. 2.500.000. Styrkurinn á eftir að koma sér vel fyrir reksturinn en Uppbyggingarsjóður er hluti af Sóknaráætlun Vestfjarða og er í umsjón Fjórðungssambands Vestfirðinga og tók við hlutverki Menningarráðs Vestfjarða og Vaxtarsamnings Vestfjarða og veitir styrki til menningar, atvinnuþróunar og nýsköpunar.
Alls voru 9 þessara verkefna á sviði atvinnuþróunar- og nýsköpunar, en 11 verkefni voru annaðhvort viðameiri menningarverkefni eða að um var að ræða stofn- og rekstrarstyrki til menningarstofnana. Upphæðir þeirra voru á bilinu 1,2 milljónir til 5 milljónir sem var hæsti styrkur á árinu 2015. Í flokknum minni styrkir (milljón eða minna), þar sem 20 milljónir voru til ráðstöfunar, fengu alls 36 verkefni styrkvilyrði á bilinu 110 þúsund til 1 milljón. Heildarfjöldi styrktra verkefna var því 56 og eru viðtakendur styrkjanna 49. Meðalupphæð styrkvilyrða í heildina er tæp 1,1 milljón.
Galdrasýning á Ströndum þakkar vel fyrir sig.
Heimasíðu Uppbyggingarsjóðs Vestfjarða er að finna á slóðinni www.vestfirdir.is.
Í næsta mánuði gefur Strandagaldur á Hólmavík út geisladiskinn
Vappaðu með mér Vala með rímnakonunni Ásu Ketisldóttir frá Laugalandi
við Djúp. Efnið sem Ása fer með á þessum diski lærði hún nær allt á
bernskuheimili sínu í Aðaldal. Vísurnar sem Ása flytur á diskinum bera
merki um fjölbreytilegt yrkisefni. Á honum er fjallað um náttúruna,
ástina, heimþrá og söknuð en einnig um hesta, ferðalög, drykkjuskap og
veðrið. Nákvæmur útgáfudagur hefur ekki verið ákveðinn ennþá en hægt er
að skoða sérstaka heimasíðu útgáfunnar og skoða veglegan bækling sem
fylgir henni með því að 
