Fréttir

Ferðablaðið fyrir sumarið 2008, Á ferð um Strandir og Reykhólasveit kom út á Sumardaginn fyrsta. Það er Arnkatla 2008 sem stendur fyrir útgáfunni í samstarfi við Markaðsstofu Vestfjarða. Ferðablaðið sem er tólf blaðsíður er prentað í 20 þúsund eintökum verður dreift á upplýsingamiðstöðvar um allt land. Einnig mun það liggja frammi á öllum viðkomustöðum ferðamanna á svæðinu. Í ferðablaðinu er hægt að kynnast því helsta sem er að gerast í ferðaþjónustu á Ströndum og í Reykhólasveit.  Blaðið er einnig hægt að nálgast í tölvutæku formi með því að smella hér.
ImageNýverið var gengið frá ráðningu í stöðu forstöðumanns Þjóðfræðistofu á Ströndum sem Strandagaldur hefur undanfarið unnið við að koma á laggirnar á Hólmavík. Fjórar umsóknir bárust um stöðuna og fyrir valinu varð Kristinn Schram þjóðfræðingur. Kristinn er með meistarapróf í þjóðfræði, er að ljúka doktorsnámi í greininni og er stundakennari í þjóðfræði við Háskóla Íslands. Hann mun hefja störf fljótlega. Kristinn er kvæntur Kötlu Kjartansdóttir þjóðfræðingi og þau eiga tvö börn. Helstu  verkefni Þjóðfræðistofu sem er nýtt fræðasetur, verða rannsóknir og miðlun menningararfsins í samvinnu við fjölda ólíkra aðila, mennta- og menningarstofnana.

Read more...

ImageStrandagaldur auglýsir eftir starfsfólki á Galdrasafnið á Hólmavík sumarið 2008.  Gerð er krafa til starfsfólks Galdrasafnsins að það búi yfir líflegri framkomu, samviskusemi, hafi gott vald á enskri tungu ásamt því að hafa áhuga fyrir starfinu. Starfsfólk þarf að vera orðið 18 ára og grænir fingur koma að góðu gagni. Galdrasafnið á Hólmavík er opið alla daga frá kl. 10:00 - 18:00 frá 1. júní - 15. september. Ráðnir verða tveir starfsmenn sem skipta á vinnudögum á milli sín. Unnið er tvo daga í senn og þrjá daga um aðra hvora helgi. 

Read more...

Image Strandagaldur óskar eftir umsóknum um stöðu forstöðumanns Þjóðtrúarstofu á Ströndum. Um er að ræða nýtt fræðasetur á Hólmavík á sviði þjóðfræði sem forstöðumaður tekur þátt í að móta og þróa. Stefnt er að ráðningu annarra starfsmanna strax á þessu ári í náinni samvinnu við forstöðumann. Helstu  verkefni Þjóðtrúarstofu verða rannsóknir og miðlun menningararfsins í samvinnu við fjölda ólíkra aðila, mennta- og menningarstofnana. Þá verður unnið að uppbyggingu menningar- og menntatengdrar ferðaþjónustu, skráningarverkefnum tengdum þjóðfræði og sagnfræði, námskeiðahaldi og kennslu og umsjón höfð með upplýsingamiðstöð um íslenska þjóðtrú. Auglýsinguna má nálgast með því að smella hér.

More Articles...

Page 6 of 16

6

Restaurant Galdur