Fréttir

An article from Nordis in German

Photo: Tina BauerClick here for a pdf document from Das Nordeuropa-Magazin Nordis puplished in January 2010. An article about The Museum of Icelandic Sorcery & Witchcraft by Tina Bauer in German. (3 mb)

The road from Reykjavik to Holmavik

Malbikað alla leið frá Reykjavík til Hólmavíkur

- og aðeins 233 km akstur

Með opnun nýs vegar um Arnkötludal, á milli Reykhólasveitar og Stranda styttist leiðin til Hólmavíkur frá höfuðborgarsvæðinu um ríflega 40 km auk þess sem vegurinn er malbikaður alla leið. Með opnun þessarar miklu samgöngubótar ætti það að taka aðeins 2 1/2 - 3 klst að heimsækja Galdrasafnið á Hólmavík. Hér að neðan er vegakort sem við útbjuggum til að útskýra leiðina betur. Með þessari nýju leið opnaðist líka á skemmtilegan hring þannig að það þarf ekki að fara alveg sömu leið til baka. Galdrasafnið er opið alla daga yfir veturinn, en gott er að hringja á undan í síma 897 6525 og láta vita af komu sinni og einnig ef gestir okkar vilja fá eitthvað að borða á Kaffi Galdri í leiðinni.

Image

Göngukort um alla Vestfirði er nú fáanleg

ImageFerðamálasamtök Vestfjarða hafa lokið útgáfu á vönduðum göngu- og útivistarkortum um starfssvæði sitt, svo áhugafólk um útiveru getur glaðst þessa dagana og farið að skoða vænlegar gönguleiðir fyrir næsta sumar á öllum Vestfjarðakjálkanum. Á síðasta föstudag komu út þrjú síðustu kortin í seríunni sem taka yfir Hornstrandir til Steingrímsfjarðar að austan og Arnarfjarðar að vestan. Áður höfðu komið út fjögur kort með gönguleiðum á öðrum hlutum Vestfjarðakjálkans ásamt Dalasýslu. Þetta er langviðamesta verkefni sem Ferðamálasamtök Vestfjarða hafa staðið fyrir og kostað um 12 milljónir króna. Kortin sem munu fást á öllum helstu ferðamannastöðum á svæðinu eru m.a. komin í sölu í verslun og netverslun Strandagaldurs. Hægt er að skoða kortin og kaupa þau með því að smella hér.

Bók full af þjóðráðum í krepputíð

ImageÞegar gluggað er í bókinni Tvær galdraskræður sem Strandagaldur gaf nýverið út kemur í ljós að margt það sem runnið hefur í gegnum huga þjóðarinnar undanfarið er hægt að takast á við. Hver kannast til dæmis ekki við að upplýsingastreymi til þjóðarinnar sé á köflum bágborið og hlutum haldið leyndum fram í rauðan dauðann? Í galdraskræðunum má meðal annars finna galdrarunu til að vita það sem alþýðu er dulið. Einnig er að finna þjóðráð til að snúa hugarfari manns eða jafnvel heillrar þjóðar ef einhver hefur á manni óþokka. Það er galdur sem mætti til dæmis reyna á forsætisráðherra Bretlands, sem er ekki vinsælasti maðurinn á Íslandi um þessar mundir. Einnig er að finna ótal galdraráð í bókinni fyrir hverskyns glettingar, s.s. að senda fretrúnir á menn en þær koma í veg fyrir að sá sami getur hvorki unnið þjóð sinni gagn né ógagn meðan magakveisan og niðurgangurinn stendur yfir.

Read more...

More Articles...

Page 3 of 14

3