Prenta Prenta

Tvær galdraskræður

  KR 3,800.00
Tvær galdraskræður
Stækka mynd


Galdrastafir og galdrabækur eru áhugaverð og spennandi fyrirbæri. Galdraskræður geyma leyfar af fornum átrúnaði og alþýðufólk hefur löngum talið að hægt sé að nota galdrarúnir í margvíslegum tilgangi.Misjafnt var eftir tíðarandanum hvort yfirvöld töldu galdrakuklið hjátrú eða hættuleg forboðin fræði, líkt og raunin var á 17. öld. Galdraskræður og stafir léku þá stórt hlutverk í íslenskum galdramálum og mönnum var refsað harðlegafyrir galdraiðkun, hýddir eða brenndir á báli.
Í þessari bók Tvær galdraskræður eru prentaðar tvær skræður eftir handritum frá því um 1800, einni öld eftir að hætt var að sækja menn til saka fyrir galdra.

Fyrra handritið í bókinni, Lbs 2413 8vo, er taliðfrá því um 1800 og bók með jafn mörgum galdrastöfum er ekki sett saman fyrr en alþýðufræðimenn undir lok aldarinnar fara að safna saman efni úr fleiri en einuhandriti. Ekki er vitað hvar handritið er skrifað og heldur ekki hvernig það barst á Landsbókasafnið.

Handritið er 10 x 8 cm og alls í henni 74 blöð. Í handritaskrá Landsbókasafnsins erhandritið sagt skrifað af einni og sömu höndinni og kallað rúna- og galdrakver.Engin dæmi um venjulegar rúnir finnast í bókinni en þó nokkrar ókennilegarstafarunur. Bókin hefst á safni þjófagaldra og ástargaldra en eftir það erengin sérstök röð á galdrastafaefninu fyrr en kemur að verndargöldrum. Loks eruí bókinni stefnur og særingar eins og fylgdu oft handritum af þessu tagi.

Síðara handritið, Lbs 764 8vo, er af allt öðrusauðahúsi. Það telur 14 blöð, 14 x 8,5 cm að stærð og talið skrifað um 1820.Utan um handritið er gamalt seðlaveski úr leðri, bryddað með grænu og með taubanditil að vefja utan um það. Innan á fyrsta blaðið er nafnið Kristján Sigurðssonen engar vísbendingar um hver hann var. Landsbókasafnið keypti handritið árið1903 af Þorláki V. Reykdal. Árið áður hafði Þorlákur selt Landsbókasafninu aðrabók sem nefnd hefur verið galdrabók, Lbs 977 4to. Lítið fer fyrir galdrastöfumí þeirri bók, en hún inniheldur nokkur innsigli, stefnur og rúnaletur en einnigtöfraráð eða konstir. n

Strandagaldur á Hólmavík (Galdrasýning á Ströndum) gefur út bókina og Magnús Rafnsson sagnfræðingur tók efnið saman. Bókin er bæði á íslensku og ensku þar sem íslenskan er prentuð á hægri síðu opnanna og á enska á þeirri vinstri.

ISBN: 978-9979-9584-5-1

 


You may also be interested in this/these product(s)

KR 7,100.00


KR 3,800.00