Árið 2020 markar mikilvæg tímamót fyrir Galdrasýninguna á Ströndum, þar sem 20 ár eru síðan hún var opnuð. Af því tilefni hefur verið sett upp sýning þar sem greint er frá nokkrum áföngum í sögu sýningarinnar sem vert er að minnast og margar skemmtilegar myndir birtar. 


Á tímamótum sem þessum og í ljósi erfiðra aðstæðna er mikilvægt að staldra við og líta yfir farinn veg og fagna því sem hefur áunnist og tekist vel. Galdrasýningin er afbragðs gott dæmi um velheppnað nýsköpunarverkefni og stuðningur og velvilji samfélagsins á Ströndum hefur verið lykilatriði í þeirri velgengni. 


Stofnun og opnun Galdrasýningarinnar var sannkallað samfélags- og samvinnuverkefni miklu fleiri aðila en þeirra sem stóðu henni næst.