Sýning um Spánverjavígin 1615

ImageÍ dag var opnuð sýning á Galdrasýningu á Ströndum um Spánverjavígin 1615 en það ár brotnuðu þrjú spönsk skip í Reykarfirði á Ströndum. Vestfirðingar undir forystu Ara sýslumanns í Ögri fóru að skipbrotsmönnunum og myrtu þá. Mál þetta er kallað Spánverjavígin og er talið eitt mesta grimmdarverk Íslandssögunnar. Síðastliðið sumar var haldið alþjóðlegt málþing á Snáfjallasetrinu í Dalbæ á Snæfjallaströnd við Ísafjarðardjúp um margvísleg samskipti Íslendinga og Baska á þeim tíma og þessi sýning var sett upp af tilefni þingsins. Þetta er spjaldasýning og er hönnuð af Ólafi J. Engilbertssyni forstöðumanni Snjáfallasetursins. Hluti af Austurhúsinu svokallaða á Galdrasafninu á Hólmavík er notað undir sýninguna og hefur verið tekið lítilsháttar í gegn af tilefninu.

Sýning Snjáfjallasetursins um Spánverjavígin var unnin í samstarfi við Strandagaldur, Náttúrustofu Vestfjarða, Vestfirði á miðöldum og Sögufélag Ísfirðinga.

Image
Frá sýningunni um Spánverjavígin á Hólmavík

Mailing list